ថ្ងៃ ច័ន្ទ ទី 22 ខែ តុលា ឆ្នាំ 2018
ទំនាក់ទំនងព័ត៌មាន តាមលេខទូរស័ព្ទ៖ 017 41 66 68 / ឬ Email: n416668@gmail.com
របាយការណ៍​បង្ហាញថា ក្រុមហ៊ុន​​ឧកញ៉ា ទ្រី ភាព ទទួលបាន​ដី ​សម្បទានសេដ្ឋកិច្ច​ជិត ៧​ម៉ឺន ​ហិកតា ដោយបំបែក​ជាក្រុមហ៊ុន​តូចៗ​ចំនួន ១៥ កាប់បំផ្លាញ និងប្រមូល​ឈើ​ ស្ទើរហិនហោច អស់ពីស្រុកខ្មែរ
ផ្សាយនៅថ្ងៃទី: 24-04-2014, ចំនួនអ្នកអាន 5226ដង
ភ្នំពេញ៖ កាលពីចុងខែវិច្ឆិកា ឆ្នាំ២០១៣ កន្លងទៅនេះ គេហទំព័រ http://vodhotnews.com បានសរសេរបង្ហោះផ្សាយ នូវអត្ថបទមួយ ក្រោមចំណងជើងថា «របាយការណ៍​មួយ​បង្ហាញថា ក្រុមហ៊ុន ទ្រី ភាព បាននិងកំពុង​ដឹកជញ្ជូន​ឈើ​ ខុសច្បាប់​ទៅ​ក្រៅប្រទេស​» ដែលមានខ្លឹមសារដើមទាំងស្រុង ដូចខាងក្រោមនេះ ៖ ដោយ​៖ តាំង វី​ដា និង អ៊ឹង ប៊ុនថន​

ថ្ងៃ​ពុធ ទី​20 ខែវិច្ឆិកា ឆ្នាំ​2013 http://vodhotnews.com

​ក្រុម​កិច្ចការ​ពិសេស សិទ្ធិមនុស្ស​កម្ពុជា នៅ​ថ្ងៃ​ពុធ​នេះ ចេញ​របាយការណ៍​មួយ ដោយ​បង្ហាញ​ថា ក្រុមហ៊ុន​របស់​លោក​ឧកញ៉ា ទ្រី ភាព ដែល​ទទួលបាន​ដី​សម្បទាន សេដ្ឋកិច្ច​ជិត ៧​ម៉ឺន​ហិកតា តាមរយៈ​ការ​បំបែក​ជា ក្រុមហ៊ុន​តូចៗ​ចំនួន ១៥ ពី​រដ្ឋាភិបាល ហើយ​បាន​និង​កំពុង​រកស៊ី ដឹកជញ្ជូន​ឈើ​ខុសច្បាប់ ទៅ​លក់​នៅ​ប្រទេស​វៀតណាម ឬ​ចិន ។​

ការអះអាង​នេះ ត្រូវបាន​បង្ហាញ ក្នុង​របាយការណ៍​ស៊ើបអង្កេត របស់​ក្រុម​កិច្ចការ​ពិសេស សិទ្ធិមនុស្ស​កម្ពុជា ក្រោម​គម្រោង​ឃ្លាំមើល ធុរៈកិច្ច និង​វិនិយោគ​នៅ​កម្ពុជា ភាគ​១ ស្តី​អំពី​ក្រុមហ៊ុន ទ្រី ភាព ក្រោម​ចំណងជើង "​នយោបាយ​ប្រមូល​ឈើ ឲ្យអស់​ពី​ស្រុក​ខ្មែរ​" ចេញផ្សាយ​នៅ​ថ្ងៃទី​២០ ខែ​វិច្ឆិកា​នេះ ។ របាយការណ៍ អះអាងថា ក្រុមហ៊ុន ទ្រី ភាព បាន​ធ្វើ​អាជីវកម្ម​កាប់​ឈើ និង​ដឹកជញ្ជូន​ឈើ​ប្រណីត នៅ​គ្រប់​តំបន់​ព្រៃឈើ ទូទាំង​ប្រទេស​កម្ពុជា ដោយសារ​ក្រុមហ៊ុន​នេះ មាន​ទំនាក់ទំនង យ៉ាង​ជិតស្និទ្ធ ជាមួយ​មន្ត្រី​រដ្ឋាភិបាល និង​មាន​សម្ព័ន្ធមេត្រីភាព ជាមួយ​កម្លាំងប្រដាប់អាវុធ មន្ត្រី​បរិស្ថាន មន្ត្រីរដ្ឋបាល​ព្រៃឈើ មន្ត្រី​អភិរក្ស ក្រសួង​ឧស្សាហកម្ម ក្រសួង​កសិកម្ម និង​ក្រុមហ៊ុន ភាពី​ម៉ិច តាមរយៈ​កិច្ចព្រមព្រៀង ស្តីពី​ការចង​សម្ព័ន្ធមេត្រីភាព រវាង​ក្រុមហ៊ុន មន្ត្រី​រដ្ឋាភិបាល និង​កងកម្លាំងប្រដាប់អាវុធ ចុះ​ថ្ងៃ​ទី​២២ ខែ​កុម្ភៈ ឆ្នាំ​២០១០ ។​

​របាយការណ៍​នេះ ឲ្យដឹងថា ក្រុមហ៊ុន ទ្រី ភាព ត្រូវ​បាន​រដ្ឋាភិបាល​ផ្តល់​សិទ្ធិ ប្រមូល​ទិញ​ឈើ ពី​គ្រប់​ក្រុមហ៊ុន​ដី សម្បទាន​សេដ្ឋកិច្ច ដែលមាន ២៧​តំបន់ នៃ​ខេត្ត​ចំនួន ១២ គ្របដណ្តប់​ដោយ​ព្រៃឈើ ក្នុងនោះ មាន​គម្រោង​អភិវឌ្ឍន៍ និង​គម្រោង​សម្បទាន សេដ្ឋកិច្ច ។ ក្រុមហ៊ុន ទ្រី ភាព ទទួល​ដី​សម្បា​ទាន​សេដ្ឋកិច្ច ពី​រដ្ឋាភិបាល​ចំនួន ៦៨០៨៨ ហិកតា នៅក្នុង​ខេត្ត​ចំនួន ១២ តាមរយៈ​ការ​បំបែក​ឈ្មោះ ជា​ក្រុមហ៊ុន​តូចៗ ដោយ​ក្រុមហ៊ុន​ខ្លះ បាន​យកឈ្មោះ​អ្នកស្រី ម៉ៅ ម៉ុម ដែលជា​ភរិយា​របស់​លោក ទ្រី ភាព មក​ឈរ​ឈ្មោះ ។​

​ប្រធាន​អង្គការ ក្រុម​កិច្ចការ​ពិសេស សិទ្ធិមនុស្ស​កម្ពុជា លោក អ៊ូច ឡេង អះអាង​តាម​ស្រាវជ្រាវ​ថា ក្រុមហ៊ុន​នេះ មិន​ត្រឹមតែ​បាន កាប់បំផ្លាញ​ព្រៃឈើ ក្នុង​តំបន់​សម្បទាន​សេដ្ឋកិច្ច​របស់​ខ្លួន ថែមទាំង​បាន​ពង្រីក​វិសាលភាព ក្នុង​ការកាប់​ឈើ​ចេញ​ក្រៅ​តំបន់ ដែល​កំណត់​ដោយ​ច្បាប់ ដោយ​គ្មាន​អ្នកតាមដាន ត្រួតពិនិត្យ​ពី​រដ្ឋាភិបាល ថែមទាំង​បាន​ជួល​កម្មករ ដែលជា​អ្នក​ភូមិ​ឲ្យ​កាប់ឈើ ចេញពី​ក្នុង​តំបន់​ការពារ តំបន់​ឧទ្យាន​ជាតិ រហូត​ទៅ​ក្នុង​ទឹកដី​ប្រទេស​ថៃ យកមក​លក់​ឲ្យ​ក្រុមហ៊ុន តាមរយៈ​មេការ​រង់ចាំ​ប្រមូល​ឈើ នៅតាម​តំបន់​គោលដៅ​ទៀតផង ។​

​លោក​ថា ការសិក្សា​ផ្ទាល់ លើ​ករណី​ក្រុមហ៊ុន ទ្រី ភាព នេះ ជា​សេចក្តីរាយការណ៍​មួយ ទៅកាន់​រដ្ឋាភិបាល ឲ្យ​ចាត់វិធានការ ទៅតាម​ផ្លូវច្បាប់ ៖ “ ​ជំរុញ រដ្ឋាភិបាល​អាណត្តិ​ថ្មី​នេះ ធ្វើការ​ពិចារណា ទៅ​លើ​ក្រុមហ៊ុន ដែល​មិន​គោរព​តាម​កិច្ចសន្យា ដែល​មិន​គោរព​តាម​ការអភិវឌ្ឍ ដែល​មិន​គោរព​ទៅ​លើ​ច្បាប់ មិន​គោរព​សិទ្ធិមនុស្ស ក៏​ដូចជា​មិន​គោរព គោលការណ៍​អភិវឌ្ឍន៍ ពី​គោលការណ៍​ថែរក្សា បរិស្ថាន​នានា នៅក្នុង​ប្រទេស​កម្ពុជា​យើង​។ ខ្ញុំ​សូម​គិត​ដោយផ្ទាល់​ភ្នែក​ថា យើង​មាន​ឯកសារ យោង​មាន​ទាំងអស់ គឺ​យើង​ធ្វើ​ដោយ​ហ្មត់ចត់​ណាស់ យ៉ាងហោចណាស់ យើង​បាន​ត្រឹម ៩០​ភាគរយ​ដែរ​” ។​

​ប៉ុន្តែ​អ្នកនាំពាក្យ ទីស្តីការគណៈរដ្ឋមន្ត្រី លោក ផៃ ស៊ីផា​ន ចាត់ទុក​របាយការណ៍​នេះ​ថា មិន​មាន​មូលដ្ឋាន ស៊ើបអង្កេត​ច្បាស់លាស់ ។ លោក​ថា បើ​សា​ម៉ី​ខ្លួន នៃ​របាយការណ៍ មាន​ភស្តុតាង​គ្រប់គ្រាន់ គប្បី​ដាក់​ពាក្យបណ្តឹង ទៅកាន់​តុលាការ ដើម្បី​ការពារ​ផលប្រយោជន៍ សាធារណៈ និង​ចាត់វិធានការ តាម​ច្បាប់​តែ​ម្តង ៖ “​បើ​គ្រាន់តែ​ធ្វើ​របាយការណ៍ អស់​លុយ ហើយ​ផ្សាយ​តាម​ព័ត៌មាន មិនបាន​ធ្វើ​ទេ ហើយ​ប្រសិន​ជា​ឥឡូវ​យើង​ចង់ ស៊ើប​ឃើញ​អញ្ជឹង​ហើយ យើង​ទៅ​ប្តឹង​អ្នកណា​ឥឡូវ​? ពីព្រោះ​របាយការណ៍​នេះ វា​មិន​ផ្លូវការ បើ​យើង​ដាក់​បណ្តឹង ទៅ​កន្លែង​ណាមួយ ក្លាយទៅជា​ផ្លូវកា​រហើយ​” ។​

​របាយការណ៍​ដដែល​នេះ ឲ្យដឹងទៀតថា ក្រុមហ៊ុន ទ្រី ភាព ក៏​មាន​តំបន់​ពិសេស ២​កន្លែង នៅក្នុង​តាម​ព្រំដែន​ថៃ និង​វៀតណាម តំបន់​សេដ្ឋកិច្ច​នៅ​ថ្មដា ស្រុក​វាលវែង ខេត្ត​ពោធិសាត់ មិន​មាន​ដំណើរការ​អភិវឌ្ឍ​ន៍ ចំណែក​តំបន់​សេដ្ឋកិច្ច​ពិសេស នៅ​អូរយ៉ាដាវ ខេត្ត​រតនគិរី កំពុង​សាងសង់ ក្នុងនោះ​មាន​កាស៊ីណូ និង​អគារ​ពាណិជ្ជកម្ម​មួយចំនួន​។ ដំណើរការ​វិនិយោគ​នេះ បាន​បំផ្លាញ​ផ្លូវ​គមនាគមន៍ ដោយសារ​ការដឹកឈើ​ហួស​ចំណុះ ។​

​សាក្សី ឈ្មោះ ឡុង ខន អាយុ​៦៨​ឆ្នាំ រស់នៅ​ស្រុក​វាលវែង ខេត្ត​ពោធិ៍សាត់ អះអាងថា សកម្មភាព​ជញ្ជូន​ឈើ ខុស​ច្បាប់​នៅ​តំបន់​នោះ បាន​កើត​ឡើង​តាំងពី ឆ្នាំ​២០០២​ម្ល៉េះ ហើយ​ក្រុមហ៊ុន ទ្រី ភាព នេះ បាន​ផ្តល់​ប្រាក់​ផ្គត់ផ្គង់ ដល់​អាជ្ញាធរ​មូលដ្ឋាន និង​ទាហាន ជា​ថ្នូរ​នឹង​ការ​លាក់បាំង និង​ចូលរួម​កាប់​ឈើ​លក់ ។ លោក​បន្ត សូម្បី​តែ​ប្រជាពលរដ្ឋ ដែល​រស់នៅ​តំបន់​នេះ ភាគច្រើន​មិន​ប្រកប​របរ​រកស៊ី បែរជា​លួច​កាប់​ឈើ លក់​ឲ្យ​ក្រុមហ៊ុន​នេះ​ទៀតផង ៖ “​គ្មាន​នរណា អាច​ហ៊ាន​ចាប់ ហ៊ាន​ឃាត់​គេ​បាន ដឹក​ពេញៗ​ឡាន ដឹក​ទាំង​ថ្ងៃ ឡាន​ប្រាំ​គ្រឿង​ដង្ហែ​គ្នា អាជ្ញាធរ​រកស៊ី​ដែរ ប៉ូលីស​ដល់​ពេល​កុន វា​រកស៊ី​ដឹក​ឈើ​ឲ្យគេ​ដែរ ហើយ​ធ្វើ​ម៉េច ឥឡូវ​មេភូមិ​អី ក៏​អញ្ចឹង កូនចៅ​មេឃុំ​អី ក៏​រកស៊ី​ឈើ​ដឹក​លក់​ឲ្យគេ​ដែរ​” ។​

​របាយការណ៍​ស៊ើបអង្កេត​នេះ បាន​ថ្កោលទោស​ក្រុមហ៊ុន ទ្រី ភាព ថា បាន​បំផ្លាញ​ព្រៃឈើ ដែល​បណ្តាលឲ្យ​មាន​ការ ប្រែប្រួល​អាកាសធាតុ ផ្អែក​តាម​ទ​ន្និ​ន័យ របស់​គណៈកម្មាធិការ​ជាតិ គ្រប់គ្រង​ការប្រែប្រួល អាកាសធាតុ គិត​ត្រឹម​ថ្ងៃទី​២៣ ខែតុលា ឆ្នាំ​២០១៣ គឺ​ទឹកជំនន់ បាន​បំផ្លាញ​ទ្រព្យសម្បត្តិ ប្រមាណ​ជា ៨០០​លាន​ដុល្លារ ក្នុង​មួយ​ឆ្នាំ និង​បណ្តាល​ឲ្យ​ប្រជាជន​ប្រមាណ ១៦៨​នាក់ បាន​ស្លាប់ និង​ប្រជាពលរដ្ឋ ១,៨​លាន​នាក់ បាន​រង​នូវ​ផលប៉ះពាល់ ៕
ផ្សាយនៅថ្ងៃទី: 28-09-2018, ចំនួនអ្នកអាន 519ដង
ភ្នំពេញ៖ កាលពីពេលថ្មីៗនេះ តារាហ្វេសប៊ុក ដ៍ល្បីល្បាញលោក ផែង វណ្ណៈ បានដាក់ខ្លាំងៗ ឬរិះគន់ធ្ងន់ៗ ទៅលើពួកមន្ត្រីៗ គយចល័តភ្នំពេញ ដែលចេញប្រតិបត្តិការ ចុះទៅចាប់រិបអូស ទូរស័ព្ទកំពុងលក់ដូរ នៅហាងចំនួន ២ ក្នុងខេត្តបាត់ដំបង ប្រៀបដូចជា អារ-កខ្យង ដោយមើលរំលង ឬធ្វើមើលមិនឃើញ ការនាំចូលទូរស័ព្ទ
‹ សូមអានបន្ត ›
« មុន 1 ក្រោយ »
ចំនួនអ្នកទស្សនា
ថ្ងៃនេះ : 940
ម្សិលមិញ : 931
សរុប : 7618705
Flag Counter
ស្វែងរកតាមរយ:ប្រតិទិន
Copyright by www.crn-news.com
ទំនាក់ទំនងព័ត៌មាន តាមលេខទូរស័ព្ទ៖ 017 41 66 68 / ឬ Email: n416668@gmail.com