ថ្ងៃ សៅរ៍ ទី 24 ខែ កុម្ភ: ឆ្នាំ 2018
ទំនាក់ទំនងព័ត៌មាន តាមលេខទូរស័ព្ទ៖ 017 41 66 68 / ឬ Email: n416668@gmail.com
ចាំមើល៍ ! តើ​រវាង​មេ​គយ​ថ្មី អ៊ួ​ន សុវណ្ណារ៉ា និង​មេ​គយ​ចាស់ ប៉ុន ប៊ុណ្ណា មួយ​ណា​ល្អ​ជាង ក្នុងការប្រមូលពន្ធ នៅ​ច្រក​ទ្វារ​ព្រំដែន អន្តរជាតិ ត្រពាំង​ផ្លុង ?
ផ្សាយនៅថ្ងៃទី: 14-02-2018, ចំនួនអ្នកអាន 912ដង
ត្បូងឃ្មុំ​៖ បន្ទាប់ពី​មាន​ការ ប្រកាស​ផ្ទេរ​ភារកិច្ច និង​តែងតាំង មុខតំណែង ប្រធានការិយាល័យ​គយ និង​រដ្ឋាករ ច្រកទ្វារព្រំដែន អន្តរជាតិ​ត្រពាំង​ផ្លុង ខេត្ត​ត្បូងឃ្មុំ កាល​ថ្ងៃទី​២០ ខែ​មករា ឆ្នាំ​២០១៨ កន្លងទៅនេះ ដោយ​ផ្លាស់ប្ដូ​រលោក ប៉ុន ប៊ុណ្ណា ឲ្យទៅ​ជា​អនុប្រធាន សាខាគយ និង​រដ្ឋាករ ខេត្ត​កំពង់ចាម និង​តែងតាំង​លោក អ៊ួ​ន សុវណ្ណារ៉ា ពី​ប្រធាន ការិយាល័យ​គយ និង​រដ្ឋាករ ខណ្ឌចំការមន ឲ្យទៅ​ទទួល​តំណែង​ថ្មី ជា​ប្រធាន ការិយាល័យ​គយ និង​រដ្ឋាករ ច្រកទ្វារព្រំដែន អន្តរជាតិ​ត្រពាំង​ផ្លុង រួចមក​… មាន​មជ្ឈដ្ឋាន​ជាច្រើន បាន​ដាក់​ជា​សំនួរ​ថា ចាំមើល៍​តើ អ្នក​ណា​ល្អ​ជាង រវាង​មេ​ចាស់​លោក ប៉ុន ប៊ុណ្ណា និង​មេ​ថ្មី​លោក អ៊ួ​ន សុវណ្ណារ៉ា នៅ​កន្លែង​ច្រក​ឆ្លងកាត់ សេដ្ឋកិច្ចជាតិ គ្រប់​ប្រភេទ​នោះ​… ?

​កាល​ថ្ងៃ​ប្រកាស​ភារកិច្ច និង​តែងតាំង មុខតំណែង​ថ្មី​នោះដែរ គេ​ឃើញ​លោក អ៊ួ​ន សុវណ្ណារ៉ា បាន​ឡើង​ប្តេជ្ញាចិត្ត​ថា គាត់​នឹង​ខិតខំ បំពេញភារកិច្ច ឲ្យបាន​ខ្ជាប់ខ្ជួន​, គោរព​ប្រតិបត្តិ​ឲ្យបាន​នូវ អភិក្រម​បួន​ប្រការ របស់​ក្រសួង​សេដ្ឋកិច្ច និង​ហិរញ្ញវត្ថុ​, គោរព​ក្រម​សីល​ធ​ម៍ ជា​មន្ត្រី​គយ និង​រដ្ឋាករ ក៏ដូចជា​ចូលរួម សហការ​ឲ្យបាន​ល្អ ផ្ទៃក្នុង​អង្គភាព និង​មន្ទីរ​អង្គភាព អាជ្ញាធរ​ពាក់ព័ន្ធ​… ជាពិសេស គោរព​អនុវត្ត នូវ​ភារកិច្ច​សំខាន់​ទាំង​៣ របស់​គយ រួមមាន​៖ ប្រមូល​ចំណូល​ពន្ធ អាករ និង​កម្រៃ​ផ្សេងៗ ជូន​រដ្ឋ​ឲ្យបាន​គ្រប់ និង​លើស​ផែនការ​, បង្ការ និង​បង្ក្រាប​អំពើ​រត់​ពន្ធ ឲ្យបាន​លទ្ធផល​ខ្ពស់ សម្រួល​ពាណិជ្ជកម្ម អន្តរជាតិ ឲ្ប​បាន​សមស្រប ។​

​គួររំលឹកថា ក្រោយ​ពេល​លោក ប៉ុន ប៊ុណ្ណា ត្រូវបាន​តែងតាំង​ជា មេ​គយ​ច្រកទ្វារ ព្រំដែន​អន្តរជាតិ​ត្រពាំង​ផ្លុង កាលពី​ថ្ងៃ​ទី​២៨ ខែមិថុនា ឆ្នាំ​២០១៤ មាន​ព័ត៌មាន​ថា គាត់​បាន​យក​តួនាទី ទៅ​ប្រព្រឹត្ត​អំពើពុករលួយ ធ្វើឲ្យ​បាត់​ចំណូល ថវិកាជាតិ​យ៉ាងច្រើន ពី​ការប្រមូល​ពន្ធ​ផ្សេងៗ ដូចជា​ករណី​កន្លងមក នៅ​ច្រក​ទ្វារ​ត្រពាំង​ផ្លុង ដែល​តែងតែ​ធ្លាប់ ប្រមូល​ពន្ធ​បាន​ក្នុង ១​ខែៗ ចំនួន​ចាប់ពី ១១ ពាន់​លាន​រៀល ទៅ ១៤ ពាន់​លាន​រៀល​… បែរ​ជា​ប្រមូលបាន ត្រឹម​តែ​ចំនួន​ជាង ៦ ពាន់​លាន​រៀល ទៅ ៨ ពាន់​លាន​រៀល​ប៉ុណ្ណោះ ។​

​កាលនោះ មាន​អ្នកដឹង​រឿង​ខ្លះ បាន​លួច​ទម្លាយ ព័ត៌មាន​ចេញ​ក្រៅ​ថា គ្រាន់តែ​បាន​ធ្វើ​មេ​គយ​ថ្មី នៅ​ច្រក​ត្រពាំងផ្លុង​ភ្លាម លោក​ប្រធាន មាន​ល្បិច​ខូច​ច្រើន ប៉ុន ប៊ុណ្ណា បាន​ឃុបឃិត​គ្នា ជាមួយ​ពួក​ឈ្មួញ​ធំៗ ដូចជា​ម្ចាស់​ក្រុមហ៊ុន ដឹកទំនិញ ស៊ុន ហួរ​, ក្រុមហ៊ុន​ដឹកទំនិញ ហាក់ ម៉ៅ​, ក្រុមហ៊ុន​ដឹកទំនិញ ឆេង ទី​, ក្រុមហ៊ុន​ដឹកទំនិញ ទី​ខ្មូត និង​ក្រុមហ៊ុន​ដឹកទំនិញ របស់​យាយ ញាប់ … ជាដើម ដែល​ដឹក​ទំនិញ​ចេញ​ -​ ចូល​កម្ពុជា ​- ​វៀតណាម តាម​ច្រក​អន្តរជាតិ​នោះ ដោយ​ពួកគេ​ សហការគ្នា ក្នុងការ​ធ្វើ​ការងារ (​របៀប​ស្វា លេង​ប៉ា​ហ៊ី​) វាយតម្លៃ​ពន្ធ​ទាប និង​តម្រូវឲ្យ​បង់ព​ន្ធ ចូល​រដ្ឋ​មិន​គ្រប់​ចំនួន រួម​ទាំង​អាច​មាន ការលួចបន្លំ​ពន្ធ លើ​មុខ​ទំនិញ​ផ្សេងៗ ដើម្បី​កិបកេង​លុយ យក​ចែកគ្នា​ទាំង​ដុំៗ ធ្វើ​មានបាន​ហ៊ឺ​ហារ គ្មាន​ខ្លាច​រអា​ច្បាប់ ចាប់​ដាក់ទោស​នោះ​ផង ។​

​ប្រភពព័ត៌មាន នៅ​បាន​ប្រាប់ឲ្យដឹង ពី​តារាង​តម្លៃ​ខ្លះៗ (​ក្រដាស​បញ្ជី​) ដែល​ពួក​មន្ត្រីៗ​គយ ខិលខូច​មួយ​ក្ដាប់​តូច (​មេៗ និង​ខ្សែ​ហោ បក្ខពួក​) នៅ​ច្រក​ត្រពាំង​ផ្លុង ក្នុងសម័យ​លោក ប៉ុន ប៊ុណ្ណា តែង​យក​មក​អនុវត្ត ក្នុងការ​គិត​លុយ​កាក់ ជាមួយ​ពួក​ឈ្មួញៗ​ដែរ​ថា …​បើ​គិត​អត្រាពន្ធ​ត្រឹម ៧% ពួក​គេ​តម្រូវឲ្យ ឡានតូច​ត្រូវ​បង់ពន្ធ ៩​លាន​រៀល និង​បង់ថ្លៃ​បាយ ៥​លាន​រៀល​, បើ​អត្រាពន្ធ ១៥% ឡានតូច​ត្រូវ​បង់ពន្ធ ១០​លាន​រៀល និង​ថ្លៃ​បាយ ៥​លាន​រៀល ។  បើ​ទំនិញ​ចាប់ហ៊ួយ បូក​អត្រាពន្ធ ៣៥% ឡានតូច​ត្រូវ​បង់ពន្ធ ២២​លាន​រៀល និង​ថ្លៃ​បាយ ៥​លាន​រៀល​… ក្នុង​ករណី​ដូច​គ្នា បើ​ពួក​ឈ្មួញ​បង់ថ្លៃ​បាយ ១១​លាន​រៀល ឡានតូច​ដូចគ្នា​ដែរ អាច​បង់ពន្ធ​ត្រឹម ៨,៥ លាន​រៀល​ប៉ុណ្ណោះ​… និង​នៅ​មាន​ទំនិញ​ផ្សេងៗ​ទៀត ត្រូវ​ពួកគេ​កំណត់​តម្លៃ​… ។​ល​។ និង ។​ល​។ ដែល​សរុប​មក បើ​ឈ្មួញ​ណា បង់​ថ្លៃ​បាយ​ឲ្យ​ច្រើន​…  ពួកគេ​ឲ្យ​បង់ពន្ធ​ចូល​រដ្ឋ​តិច​… ផ្ទុយទៅវិញ បើ​ពួក​ឈ្មួញ​ណា ឲ្យ​ថ្លៃ​បាយ​ពួកគេ​តិច គឺ​ពួកគេ​តម្រូវឲ្យ បង់ពន្ធ​ចូល​រដ្ឋ​ច្រើន ទៅតាម​ការនឹកឃើញរ​បស់​ពួកគេ​…​។​

​ប៉ុន្តែ​ទោះ​យ៉ាងណា មកដល់​ពេលនេះ​លោក អ៊ួ​ន សុវណ្ណារ៉ា ទើប​បាន​ឡើង​ទៅ ទទួល​តំណែង​ថ្មី ជា​មេ​គយ ច្រកទ្វារព្រំដែន អន្តរជាតិ​ត្រពាំង​ផ្លុង មិនទាន់បាន ១ ខែ​នៅ​ឡើយ​ទេ​… ដូច្នេះ​គេ​គួរ​រង់ចាំ មើល៍​តទៅទៀត​ថា តើ​រវាង​មេ​ចាស់ (​ប៉ុន ប៊ុណ្ណា​) និង​មេ​ថ្មី (​អ៊ួ​ន សុវណ្ណារ៉ា​) មួយ​ណា​ល្អ​ជាង ក្នុង​ការដឹកនាំ​ការងារ ប្រមូល​ពន្ធ​គយ​ជូន​រដ្ឋ នៅ​កន្លែង​ច្រក​ឆ្លងកាត់ សេដ្ឋកិច្ចជាតិ គ្រប់​ប្រភេទ​នោះ​… ? ធម្មតា​ទេ មាន់​ពង​លើ​ជង្រុក​ស្រូវ តែងតែ​ស៊ី​ស្រូវ និង​ជុះ​អាចម៌ ដាក់​លើ​ស្រូវ​ខ្លះ​ហើយ​… គ្រាន់តែ​ថា ស៊ី​តិច ឬ​ច្រើន​… ឬ​ជុះអាចម៍​តិច ឬ​ច្រើន​ប៉ុណ្ណោះ​… ។​

​អ្វី​ដែល​ចម្លែក គឺ​ប្លែក​ត្រង់​ថា ក្នង​ថ្ងៃ​ប្រកាស ផ្ទេរ​ភារកិច្ច និង​តែងតាំង មុខតំណែង ប្រធានការិយាល័យ​គយ និង​រដ្ឋាករ ច្រកទ្វារព្រំដែន អន្តរជាតិ ត្រពាំង​ផ្លុង ខេត្ត​ត្បូងឃ្មុំ កាល​ថ្ងៃទី​២០ ខែ​មករា ឆ្នាំ​២០១៨ ក្រោម​អធិបតីភាព​លោក ប៉ែន កុសល្យ អភិបាលរង ខេត្ត​ត្បូងឃ្មុំ និង​លោក នូ ស៊ីថា ប្រធាន​សាខាគយ និង​រដ្ឋាករ ខេត្ត​ត្បូងឃ្មុំ តំណាង​លោក គុណ ញឹម ប្រតិភូ​រាជរដ្ឋាភិបាល ទទួលបន្ទុក អគ្គនាយក នៃ​អគ្គនាយកដ្ឋាន​គយ និង​រដ្ឋាករ​កម្ពុជា​នោះ ក៍​មាន​វត្តមាន លោក​ឧកញ៉ា លឹម ប៊ុន​ណា ដែល​ជា​ឈ្មួញ​ឈើ ល្បី​ឈ្មោះ​ម្នាក់ បាន​ទៅ​ចូលរួម ជា​អ្នក​មុខ​អ្នក​មាត់​ដែរ​… តើ​គាត់​ទៅ​ចូលរួម ក្នុងនាម​ជា​អ្វី​ទៅ​…? ចម្ងល់​មួយ​នេះ នឹង​មាន​បង្ហោះ​ផ្សាយ នៅ​អត្ថបទ​ក្រោយ​ទៅ​ចុះ​… ៕ (​រក្សា​សិទ្ធិ​ដោយ​៖ http://www.crn-news.com/ ហាម​ថតចម្លង អត្ថបទ​នេះ យក​ទៅ​បង្ហោះ​ផ្សាយ នៅ​វិបសាយ​ផ្សេងៗ​)
ផ្សាយនៅថ្ងៃទី: 23-02-2018, ចំនួនអ្នកអាន 645ដង
កំពង់ឆ្នាំង​៖ ខណៈ​ដែល​ការ បោះឆ្នោត​ជ្រើសតាំង សមាជិក​ព្រឹទ្ធសភា នីតិកាល​ទី​៤ កាន់តែ​ជិត​ឈាន ចូលមក​ដល់​ឆាប់​នេះ លោក សន វី អនុប្រធាន ក្រុមការងារ ចុះជួយ​ស្រុក​កំពង់លែង និង​ជា​ប្រធាន ក្រុមការងារ ចុះជួយ​ឃុំ​ត្រងិល ដែល​ជា​តំណាង ដ៏​ខ្ពង់ខ្ពស់​របស់  លោក​រដ្ឋមន្ត្រី ត្រាំ អ៊ីវតឹក
‹ សូមអានបន្ត ›
« មុន 1 ក្រោយ »
ព័ត៌មានបន្ទាប់
ចំនួនអ្នកទស្សនា
ថ្ងៃនេះ : 6328
ម្សិលមិញ : 9653
សរុប : 6792166
Flag Counter
ស្វែងរកតាមរយ:ប្រតិទិន
Copyright by www.crn-news.com
ទំនាក់ទំនងព័ត៌មាន តាមលេខទូរស័ព្ទ៖ 017 41 66 68 / ឬ Email: n416668@gmail.com